غلام اور لونڈیاں

فیس بک پوسٹ لنک

غلام اور لونڈیاں

تحریر: محمد حنیف

July 9, 2011 at 12:04pm

یہ کتنی عجیب بات ھے کہ وہ دین جس کا دعوٰی ھی انسانیت ھو۔۔ وہ جو اس ساری کائنات کا مالک و خالق ھے وہ رب العالمین اور رب الناس ھو۔۔۔ وہ جس کے توسط سے یہ ییغام ھم تک پہنچا، وہ رحمة اللعالمین ھو۔۔ رسول علی الناس جمیعا ھو ۔۔ وہ کتاب کے جو ھماری راھنمائی کرتی ھے ، ھدی للناس ھو۔۔۔ اور وہ مرکز نگاہ ، ھمارا قبلہ ، وہ ، ان اول بیت وضع للناس ھو ۔۔۔ اور جو دین کی انتہائی صورت گری اس طرح کرتا ھو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وَمَآ أَدْرَىٰكَ مَا يَوْمُ ٱلدِّينِ ﴿١٧﴾ ثُمَّ مَآ أَدْرَىٰكَ مَا يَوْمُ ٱلدِّينِ ﴿١٨﴾ يَوْمَ لَا تَمْلِكُ نَفْسٌ لِّنَفْسٍ شَيْـًٔا ۖ وَٱلْأَمْرُ يَوْمَئِذٍ لِّلَّـهِ۔۔۔۔۔۔۔۔۔ 82/17

اور تم کیا جانو کہ جزا کا دن کیا شے ہے (١٧) پھر تمہیں کیا معلوم کہ جزا کا دن کیسا ہوتا ہے (١٨) اس دن کوئی کسی کے بارے میں کوئی اختیار نہ رکھتا ہوگا اور سارا اختیار اللہ کے ہاتھوں میں ہوگا۔۔۔۔۔۔۔۔۔۔۔ ترجمہ جناب علامہ جوادی صاحب

کہ جب دین کا نفاذ مکمل ھو جائے گا ۔۔۔۔۔۔ تب کوئی انسان کسی دوسرے انسان کا محکوم نہیں ھوگا۔۔۔ ھر انسان آزاد ھوگا۔۔۔ اس کی محکمومیت صرف خالق کائنات کے لیے ھوگی۔۔۔ زمین خدا کی ، اس میں بسنے والی مخلوق بھی اس خدا کی۔۔۔۔۔۔۔ سب برابر ھیں۔۔۔۔۔۔۔۔۔۔۔۔ دیکھیں کیا کہتا ھے۔۔۔۔۔۔۔۔۔۔۔۔۔۔۔۔۔ فرمایا۔۔۔۔۔۔۔۔۔۔

يَـٰٓأَيُّهَا ٱلنَّاسُ إِنَّا خَلَقْنَـٰكُم مِّن ذَكَرٍ وَأُنثَىٰ وَجَعَلْنَـٰكُمْ شُعُوبًا وَقَبَآئِلَ لِتَعَارَفُوٓا۟ ۚ إِنَّ أَكْرَمَكُمْ عِندَ ٱللَّـهِ أَتْقَىٰكُمْ ۚ إِنَّ ٱللَّـهَ عَلِيمٌ خَبِيرٌ ۔۔۔۔۔۔۔۔۔۔۔۔۔۔ 49/13

لوگو، ہم نے تم کو ایک مرد اور ایک عورت سے پیدا کیا اور پھر تمہاری قومیں اور برادریاں بنا دیں تاکہ تم ایک دوسرے کو پہچانو در حقیقت اللہ کے نزدیک تم میں سب سے زیادہ عزت والا وہ ہے جو تمہارے اندر سب سے زیادہ پرہیز گار ہے یقیناً اللہ سب کچھ جاننے والا اور باخبر ہے۔۔۔۔۔۔۔۔۔۔۔ ترجمہ جناب مودودی صاحب۔۔۔۔

کہا کہ پیدائش کے لحاظ سے تم سب کی اساس ایک ھے۔۔۔ مشیت خداوندی اور قوانین خداوندی کے مطابق تم سب کی پیدائش اصلاً ایک ھے۔۔۔ ایک جیسی کیمائی تخلیق، ایک جیسا طریقہ تخلیق۔۔۔۔۔۔۔۔ ایک نر اور ایک مادہ سے تمہاری تخلیق کی ابتداء ۔۔۔۔۔۔۔۔ 

سوال یہ ھے کہ جو اشیاء تخلیق کے اعتبار سے ایک ھی ھوں، جن کی تخلیق کے اسباب اور طریقے ایک ھوں ، عقل اور شعور کے کسی بھی پیمانے پر اسے پرکھ لیں۔۔۔۔۔۔۔ کیسے ممکن ھے، کہ ایک جیسی بنیاد سے تخلیق ھونے والوں میں کچھ وہ ھوں کہ جو مالک ھو جائیں اور اور کچھ محکوم۔۔۔۔۔۔۔۔۔۔۔۔۔۔۔

اور اس بات کی وضاحت بھی فرما دی کہ یہ جو ھم نے تمھیں اقوام ،اور قبائیل میں تقسیم کیا ھوا ھے ، تو اس سے ھرگز یہ مت سمجھ لینا کہ ، یہ تمھارے اور دوسرے انسانوں کے درمیان کسی بھی طرح سے وجہ افتخار ھیں۔۔۔۔۔ یہ صرف اور صرف اس لیے ھیں کہ تم ایک دوسرے کو پہچان سکو۔۔۔۔ یہ صرف بغرض تعارف ھیں۔۔۔۔۔۔۔۔۔۔۔۔۔۔۔۔۔۔۔۔ ورنہ بحیثیت انسان کے تم سب ایک ھی مقام و مرتبہ کے حامل ھو۔۔۔۔۔۔۔۔۔۔۔۔ 

ھاں اگر تم اپنے ھم عصر انسانوں سے بلند ھونا چاھتے ھو۔۔۔ ان میں نمایاں ھونا چاھتے ھو، اپنا مرتبہ بڑھانا چاھتے ھو۔۔۔۔۔۔۔۔۔۔۔ تو اس کا صرف ایک طریقہ ھے۔۔۔۔۔۔۔۔۔۔۔۔۔۔۔ کہ تم میں جو زیادہ سے زیادہ قوانین خداوندی کا خیال کرنے والا ھوگا۔۔۔۔۔۔۔۔۔ جو اپنی زندگی ان ابدی اصولوں کے مطابق گزارنا چاھے گا کہ جو آسمانی کتب کے توسط سے عطا کئے گئیے ھیں۔۔۔ اس کا مقام و مرتبہ اپنے ھم عصر انسانوں میں نمایاں ھو جائے گا۔۔۔۔۔۔۔۔۔۔۔۔ 

لیکن اس سے بھی یہ نہیں ھو جائے گا کہ ، دوسرے تم سے کم تر ھو جائیں گے۔۔۔۔۔۔۔۔۔۔ بحیثیت انسان کے جو عزت و تکریم ھم نے تمام بنی نوع آدم کو عطا کی ھے۔۔۔۔۔۔۔۔۔۔۔۔ وہ ھمیشہ قائم رھے گی ۔۔۔۔۔۔۔۔۔۔۔۔ فرمایا۔۔۔۔۔۔۔۔۔۔۔۔۔۔

وَلَقَدْ كَرَّمْنَا بَنِىٓ ءَادَمَ وَحَمَلْنَـٰهُمْ فِى ٱلْبَرِّ وَٱلْبَحْرِ وَرَزَقْنَـٰهُم مِّنَ ٱلطَّيِّبَـٰتِ وَفَضَّلْنَـٰهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا ۔۔۔۔۔۔۔۔۔۔۔۔۔۔ 17/70

یقیناً ہم نے اوﻻد آدم کو بڑی عزت دی اور انہیں خشکی اور تری کی سواریاں دیں اور انہیں پاکیزه چیزوں کی روزیاں دیں اور اپنی بہت سی مخلوق پر انہیں فضیلت عطا فرمائی۔۔۔۔۔۔۔۔۔۔۔ترجمہ جناب محمد جونا گڑھی

کوئی بھی انسان ، اپنے انسان ھونے کی جہت سے واجب التکریم ھوگا۔۔۔۔۔۔۔۔۔۔۔ رنگ ، نسل ، زبان ، مال ، دولت ، کی بنیاد پر نہیں۔۔۔۔۔۔۔۔۔۔۔ یہاں ایک ضمنی بات بھی سامنے آ جاتی ھے ، یہ جو ھمارے یہاں ایک غلط تصور موجود ھے کہ انسان اشرف المخلوقات ھے۔۔۔۔۔۔۔ یہ درست نہیں ۔۔ اللہ کریم نے انسانوں کو اپنی مخلوقات کی اکثیریت پر فضیلت دی ھے ۔۔۔ سب پر نہیں۔۔۔۔۔۔۔۔۔ 

اب سوال یہ ھے کہ ایک ایسا دین ، جو انسانوں کی اتنی تکریم کرتا ھو۔۔۔ کس طرح کسی انسان کا دوسرے انسان پر تسلط ، غلبہ اور حاکمیت برداشت کر سکتا ھے ؟؟ 

یہ ایک نفسیاتی مرض ھے۔۔۔۔۔۔۔۔۔۔ جب ایک انسان دوسرے انسان کے سامنے سلیوٹ کرتا ھے تو ایک عجیب طرح کا نشہ طاری ھو جاتا ھے۔۔۔۔۔۔۔۔۔۔۔۔ اور بس اس ھی سفلی جذبے کی تسکین کے لیے اس طرح کے جواز ڈھونڈ لیے جاتے ھیں ۔۔۔۔۔۔۔۔۔۔ 

بد قسمتی سے وہ لوگ ، جو ھماری غفلت اور دلچسپی کی کمی کی وجہ سے ، مذھب کے ٹھیکدار بن کر ھم پر مسلط ھو جاتے ھیں ۔۔۔۔۔۔ وہ اپنے اقتدار اور غلبہ کے دوام کے لیے اس طرح کے غیر قرآنی نظریات کو عوام میں عین دین بنا کر پھیلا دیتے ھیں۔۔۔۔۔۔۔ اور  عوام ، اپنی کم معلومات اور دیگر مصروفیات کی وجہ سے حقیقی صورتحال سے نا آشنا رھتی ھے۔۔۔۔۔۔۔۔۔۔۔

ان ھی مذھبی پیشواؤں کی ان شاطرانہ چالوں کا پردہ چاک کرتے ھوئے قرآن نے بہت پہلے ھی ایمان والوں کو مخاطب کر کے ، متنبہ کیا ھے۔۔۔۔۔۔۔۔۔۔۔۔ فرمایا۔۔۔۔۔۔۔۔۔۔۔۔

يَـٰٓأَيُّهَا ٱلَّذِينَ ءَامَنُوٓا۟ إِنَّ كَثِيرًا مِّنَ ٱلْأَحْبَارِ وَٱلرُّهْبَانِ لَيَأْكُلُونَ أَمْوَٰلَ ٱلنَّاسِ بِٱلْبَـٰطِلِ وَيَصُدُّونَ عَن سَبِيلِ ٱللَّـه۔۔۔۔۔۔۔۔۔ 9/34

اے ایمان والو! اکثر علما اور عابد، لوگوں کا مال ناحق کھا جاتے ہیں اور اللہ کی راه سے روک دیتے ہیں۔۔۔۔۔۔۔۔۔۔۔۔ ترجمہ جناب محمد جونا گڑھی۔۔

ھمارا مشاھدہ ھے ، کہ انسان بہت طویل عرصہ تک بغیر کسی مجبوری کے کسی کا محتاج و مغلوب رھنا پسند نہیں کرتا۔۔۔۔۔۔۔۔۔ چنانچہ یہ کارنامہ ، اس مذھبی پیشوائیت نے انجام دیا۔۔۔۔ اور سادہ لوح انسانوں کو اس بات پر قائل کیا کہ ، دین کے معاملات ، کی تشریح صرف اور صرف ھم کریں گے۔۔۔۔۔۔۔۔۔

انھوں نے یہ تصور دیا کہ جو ھوتا ھے اللہ کی مرضی سے ھوتا ھے۔۔۔۔۔۔۔۔۔۔ اگر کوئی امیر ھے تو اللہ کی مرضی سے ھے۔۔۔۔۔۔۔۔ اگر تم غیریب ھو تو اللہ کی مرضی سے ھو۔۔۔۔۔۔۔۔۔ بادشاہ زمیں میں خدا کا سایہ ھوتا ھے۔۔۔۔۔۔۔۔۔۔۔۔ ھمارا کام اس کا حکم بجا لانا ھوتا ھے۔۔۔۔۔۔۔۔۔۔۔۔ اوراس طرح ، ایک انسان کو دوسرے انسان کا نہ صرف یہ کہ جسمانی محکوم بنا دیاگیا ۔۔۔ بلکہ اس کی روح تک کو بھی اس غلامی کی زنجیروں میں جکڑ دیا گیا۔۔۔۔۔۔۔۔۔۔۔۔۔۔۔۔

غور فرمائيں کہ روئے زمین پر انسانوں میں سب سے معتبر اور قابل تقلید ، انسان صرف حضرات انبیاء کرام علیہ سلام ھوتے ھیں۔۔۔۔۔۔۔۔۔۔ لیکن ملاحظہ فرمائیں کیا کہتا ھے قرآن ان کے متعلق۔۔۔۔۔۔۔۔۔ فرمایا۔۔۔۔۔۔۔۔۔۔

مَا كَانَ لِبَشَرٍ أَن يُؤْتِيَهُ ٱللَّـهُ ٱلْكِتَـٰبَ وَٱلْحُكْمَ وَٱلنُّبُوَّةَ ثُمَّ يَقُولَ لِلنَّاسِ كُونُوا۟ عِبَادًا لِّى مِن دُونِ ٱللَّـهِ وَلَـٰكِن كُونُوا۟ رَبَّـٰنِيِّـۧنَ بِمَا كُنتُمْ تُعَلِّمُونَ ٱلْكِتَـٰبَ وَبِمَا كُنتُمْ تَدْرُسُونَ۔۔۔۔۔۔۔۔۔ 3/78

کسی بشر کو یہ حق نہیں کہ اﷲ اسے کتاب اور حکمت اور نبوت عطا فرمائے پھر وہ لوگوں سے یہ کہنے لگے کہ تم اﷲ کو چھوڑ کر میرے بندے بن جاؤ بلکہ (وہ تو یہ کہے گا) تم اﷲ والے بن جاؤ اس سبب سے کہ تم کتاب سکھاتے ہو اور اس وجہ سے کہ تم خود اسے پڑھتے بھی ہو۔۔۔۔۔۔۔۔۔۔ ترجمہ جناب طاھر القادری صاحب

جب اللہ وقت کے نبی کو بھی یہ حق نہیں دیتا کہ وہ انسانوں کو اپنا محکوم بنا لیں۔۔۔۔۔۔۔ تو پھر کسی عام انسان کی تو بات ھی کیا ھوگی۔۔۔۔۔۔۔۔۔۔۔۔۔ 

اب آتے ھیں اس صورتحال کی جانب۔۔۔۔۔۔۔ کہ جب اللہ کا نبی اپنی قوم کے سامنے پیغام خداوندی رکھ رھا تھا۔۔۔۔۔۔۔۔۔۔۔ کیا صورتحال تھی۔۔۔۔۔۔۔۔ ساری قوم گمراھی کی کھائیوں میں گری ھوئی تھی۔۔۔۔۔۔۔ انسانیت سسک رھی تھی۔۔۔۔۔۔۔۔۔ ظالم اور مظلوم بس یہ ھی دو طبقات موجود تھے۔۔۔۔۔۔۔ بر بریت کا دور دورہ تھا۔۔۔۔۔۔۔۔۔۔۔ انسان انسان کا محکوم تھا۔۔۔۔۔۔۔۔۔۔ مرد اورعورتیں ، بازاروں میں جانوروں کی طرح خریدے اور بیچے جاتے تھے ۔۔۔۔۔۔۔۔۔۔۔۔۔۔۔۔ ان سے ھر طرح کا تمتع حاصل کیا جاتا تھا۔۔۔۔۔۔۔۔۔۔ اور یہ سب کچھ اللہ کے نام پر ھو رھا تھا۔۔۔۔۔۔۔۔۔۔۔۔۔۔۔۔۔۔۔۔۔۔۔ 

یہ ھی وہ دور تھا کہ جسے قرآن لیل کہتا ھے۔۔۔۔۔۔۔ تاریکی ۔۔۔۔۔۔ اور صرف یہ ھی نہیں تھا۔۔۔۔۔۔۔۔۔۔ حرام و حلال کی تمیز نہیں تھی۔۔۔۔۔۔۔۔ شادی بیاھوں میں احکام خداوندی سے سرکشی تھی ۔۔۔۔۔۔۔۔۔ سود عام تھا ۔۔۔۔۔۔۔۔۔ شراب نوشی تھی۔۔۔۔۔ غلام تھے لونڈیاں تھیں۔۔۔ اور سینکڑوں مسائل تھے۔۔۔۔۔۔۔۔۔۔۔

اب سوال یہ تھا کہ ایسے معاشرے میں کیا کوئی تبدیلی اس طرح ممکن تھی کہ بیک جنبش قلم ، اس پر عمل درآمد ھو جاتا۔۔۔۔۔۔۔ قرآن کریم خود کو ، کتاب اللہ کہنے کے ساتھ ساتھ ، حکیم بھی کہتا ھے۔۔۔۔۔۔۔۔۔۔۔ خدا خود کو عزیز و حکیم کہلواتا ھے۔۔۔۔۔۔۔۔۔۔۔۔ طاقتور مگر حکمت کے ساتھ۔۔۔۔۔۔۔۔۔۔۔۔۔۔۔۔۔۔ تو پھر ضروری تھا کہ اس مسئلہ کا ایسا حل نکالا جائے کہ جس سے معاشرہ اس راہ پر گامزن ھو جائے جو منشاء خداوندی ھے۔۔۔۔۔۔۔ چنانچہ جب بات سود کی آئی تو فرمایا۔۔۔۔۔

الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ۚ ذَٰلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا ۗ وَأَحَلَّ اللَّهُ الْبَيْعَ وَحَرَّمَ الرِّبَا ۚ فَمَن جَاءَهُ مَوْعِظَةٌ مِّن رَّبِّهِ فَانتَهَىٰ فَلَهُ مَا سَلَفَ وَأَمْرُهُ إِلَى اللَّهِ ۖ وَمَنْ عَادَ فَأُولَٰئِكَ أَصْحَابُ النَّارِ ۖ هُمْ فِيهَا خَالِدُونَ [٢:٢٧٥] 

مگر جو لوگ سود کھاتے ہیں، اُ ن کا حال اُس شخص کا سا ہوتا ہے، جسے شیطان نے چھو کر باؤلا کر دیا ہو اور اس حالت میں اُن کے مبتلا ہونے کی وجہ یہ ہے کہ وہ کہتے ہیں: "تجارت بھی تو آخر سود ہی جیسی چیز ہے"، حالانکہ اللہ نے تجارت کو حلال کیا ہے اور سود کو حرام لہٰذا جس شخص کو اس کے رب کی طرف سے یہ نصیحت پہنچے اور آئندہ کے لیے وہ سود خوری سے باز آ جائے، تو جو کچھ وہ پہلے کھا چکا، سو کھا چکا،اس کا معاملہ اللہ کے حوالے ہے اور جو اِس حکم کے بعد پھر اسی حرکت کا اعادہ کرے، وہ جہنمی ہے، جہاں وہ ہمیشہ رہے گا 

ترجمہ جناب مودودی صاحب  

بات تو عقل کی ھے۔ کیا کیا جاتا۔ وہ جنھوں نے سود کھایا ھوا تھا۔۔ کیا کیا جاتا ان کے ساتھ۔۔ جو کھا لیا ، وہ واپس تو ھونے سے رھا۔۔۔ چنانچہ کہا گیا کہ اب جب یہ حکم آ گیا ھے تو تم اس گناہ سے باز آ جاؤ۔۔ اور آئندہ کے لیے اس سے توبہ کر لو۔۔ سو جو پہلے کھا چکے سو کھا چکے اس کی کوئی باز پرس نہیں ھے۔۔۔۔۔۔۔

شراب نوشی سے اجتناب کا درس دیا جاتا رھا۔۔ ایک طویل عرصہ تک ایمان کے بعد ، شراب نوشی ھوتی رھی۔۔ تا آنکہ لوگ اس

گناہ سے رضا کارانہ طریقہ سے باز آگئے۔۔۔۔۔۔ تو آئندہ کے لیے ممنوع قرار دے دی گئی۔۔۔۔۔۔

یہ ھی صورتحال ان غلاموں اور لونڈیوں کے حوالے سے ھے۔۔۔۔۔۔ ظہور اسلام کے وقت اس معاشرے میں ایک بڑی تعداد ، غلاموں اور لونڈیوں کی موجود تھی۔۔۔۔۔

یہاں اس نفسیاتی کیفیت کو بھی مد نظر رکھنے کی ضرورت ھے ، کہ ایک طویل عرصہ کی غلامی اور محکومیت سے انسان میں کیا تبدیلی رونما ھو جاتی ھے۔۔ انسان آزادانہ کوئی کام کرنے کا اھل ھی نہیں رھتا ۔۔ اس میں وہ قوت ارادی ختم ھوچکی ھوتی ھے کہ جو ایک آزاد انسان میں ھوتی ھے۔۔۔ 

ایسے میں جو حکمت عملی قرآن نے ترتیب دی اس سے بہتر کا تصور بھی نہیں کیا جاسکتا۔۔ 

اس حکمت عملی کا پہلا جز تو وہ ابدی اصول ھے۔۔ کہ کوئی انسان کسی دوسرے انسان کا محکوم نہیں ھو سکتا۔۔ 

ھم جانتے ھیں کہ عربوں میں جنگ کے دوران جو مرد و عورت پکڑے جاتے تھے ، انھیں غلام اورلونڈی بنا لیا جاتا تھا۔۔۔۔ یہ ھی واحد ذریعہ تھا ، لوگوں کو غلام اور لونڈی بنا لینے کا۔۔ چنانچہ سب سے پہلے اس واحد ذریعہ کو ھمیشہ ھمیشہ کے لیے ختم کر دیا گیا۔۔ فرمایا۔۔۔

فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ حَتَّىٰ إِذَا أَثْخَنتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّىٰ تَضَعَ الْحَرْبُ أَوْزَارَهَا ۚ ذَٰلِكَ وَلَوْ يَشَاءُ اللَّهُ لَانتَصَرَ مِنْهُمْ وَلَٰكِن لِّيَبْلُوَ بَعْضَكُم بِبَعْضٍ ۗ وَالَّذِينَ قُتِلُوا فِي سَبِيلِ اللَّهِ فَلَن يُضِلَّ أَعْمَالَهُمْ 47/4

جب تم کافروں سے بھڑ جاؤ تو ان کی گردنیں اُڑا دو۔ یہاں تک کہ جب ان کو خوب قتل کرچکو تو (جو زندہ پکڑے جائیں ان کو) مضبوطی سے قید کرلو۔ پھر اس کے بعد یا تو احسان رکھ کر چھوڑ دینا چاہیئے یا کچھ مال لے کر یہاں تک کہ (فریق مقابل) لڑائی (کے) ہتھیار (ہاتھ سے) رکھ دے۔ (یہ حکم یاد رکھو) اور اگر خدا چاہتا تو (اور طرح) ان سے انتقام لے لیتا۔ لیکن اس نے چاہا کہ تمہاری آزمائش ایک (کو) دوسرے سے (لڑوا کر) کرے۔ اور جو لوگ خدا کی راہ میں مارے گئے ان کے عملوں کو ہرگز ضائع نہ کرے گا۔۔۔۔۔۔۔۔۔۔۔ترجمہ جناب فتح محمد جالندھری صاحب

آیت مذکورہ کے بعد اس بات کا سوال ھی پیدا نہیں ھوتا کہ کسی بھی جنگ کے قیدی کو لونڈی یا غلام بنا لیا جائے۔۔ اس دروازے کو ھمیشہ کے لیے بند کر دینے کے بعد ، قرآن ان لونڈیوں اور غلاموں کی طرف آتا ھے کہ جو اس وقت معاشرے میں ایک بڑی تعداد میں موجود تھے۔۔۔۔۔۔۔۔ 

آپ غور فرمائیں۔۔۔۔۔۔۔۔ جہاں بھی ان غلاموں اور لونڈیوں کا ذکر آیا ھے ۔۔ لفظ استعمال کئے گئے ھیں ۔۔ ما ملکت ایمانکم۔ یہ تین الفاظ ، اپنی جگہ سارے معاملے کو سلجھا دیتے ھیں۔۔۔۔ لیکن اس کے لیے شرط تو وھی ھے۔۔۔۔۔۔۔۔۔۔

بیاں میں نکتہ توحید آ تو سکتا ھے

تیرے دماغ میں بُت خانہ ھو تو کیا کیجے۔۔

یہ تین الفاظ ، فعل ماضی سے متعلق ھیں ۔۔ اگر یہ سلسلہ جاری رھنا ھوتا ، تو یہاں مضارع کا صیغہ استعمال ھوتا۔۔ جو کہ نہیں ھے۔۔ یہ لفظ ملکت ، م ۔۔ ل ۔۔ ت۔۔ زبر کے ساتھ ۔۔ اس حکمرانی کی بات ھے جو پہلے ھو چکی ھے۔۔ ما ملکت ایمانکم ۔۔۔ وہ ملیکت جو ایمان لانے سے پہلے تمھارے ھاتھ میں ھے۔۔۔ دیکھیں کیا کہہ رھا قرآن۔۔۔ فرمایا

وَٱعۡبُدُواْ ٱللَّهَ وَلَا تُشۡرِكُواْ بِهِۦ شَيۡـًٔ۬ا‌ۖ وَبِٱلۡوَٲلِدَيۡنِ إِحۡسَـٰنً۬ا وَبِذِى ٱلۡقُرۡبَىٰ وَٱلۡيَتَـٰمَىٰ وَٱلۡمَسَـٰكِينِ وَٱلۡجَارِ ذِى ٱلۡقُرۡبَىٰ وَٱلۡجَارِ ٱلۡجُنُبِ وَٱلصَّاحِبِ بِٱلۡجَنۢبِ وَٱبۡنِ ٱلسَّبِيلِ وَمَا مَلَكَتۡ أَيۡمَـٰنُكُمۡ‌ۗ إِنَّ ٱللَّهَ لَا يُحِبُّ مَن ڪَانَ مُخۡتَالاً۬ فَخُورًا۔۔۔۔۔4/36

اور تم اللہ کی عبادت کرو اور اس کے ساتھ کسی کو شریک نہ ٹھہراؤ اور ماں باپ کے ساتھ بھلائی کرو اور رشتہ داروں اور یتیموں اور محتاجوں (سے) اور نزدیکی ہمسائے اور اجنبی پڑوسی اور ہم مجلس اور مسافر (سے)، اور جن کے تم مالک ہو چکے ہو، (ان سے نیکی کیا کرو)، بیشک اللہ اس شخص کو پسند نہیں کرتا جو تکبرّ کرنے والا (مغرور) فخر کرنے والا (خود بین) ہو،۔۔۔۔۔۔۔ ترجمہ جناب طاھرالقادری صاحب

ملاحظہ فرمائیں ۔۔۔ کیا مطلب ھوتا ھے ۔۔ ما ملکت ایمانکم۔۔۔۔۔ وہ جن کے تم مالک ھو چکے ھو۔۔۔۔ ماضی کی بات ھے ۔۔۔۔۔۔۔۔ نہ اب نہ آئندہ۔۔۔۔ ۔۔۔۔۔وہ جو تمھارے قبضہ میں آ چکے۔۔۔۔۔۔۔۔۔۔۔۔۔سابقہ قبضے کی بات ھے۔۔۔۔۔۔

چنانچہ ان غلام اور لونڈیوں کے حوالے سے سارے احکامات کا مطالعہ کر لیں۔۔۔۔ آپ دیکھیں گے ، مومنین سے کہا جا رھا ھے کہ آيندہ کے لیے تو یہ سلسلہ ختم ھے ۔۔۔۔ البتہ وہ تمام غلام اور لونڈیاں کہ جو اس وقت تمھارے قبضہ میں ھیں جب تم ایمان لائے۔۔۔۔۔۔ انھیں بے یارو مددگار نہیں چھوڑا جا سکتا۔۔۔ چنانچہ یہ سب اس ھی حيثیت میں تمھارے لیے جائز کر دیے گئیے ھیں۔۔۔۔۔۔۔ تا کہ معاشرہ انتشار کا شکار نہ ھو جائے۔۔۔۔۔۔۔۔۔۔ کہ یہ اتنی بڑی تعداد میں غلام اور لونڈیاں کہاں جائیں گی۔۔۔۔۔۔۔۔۔۔۔۔۔۔۔۔۔۔۔ لیکن اس کے ساتھ ساتھ ایسی ترغیبات بھی دی جاتی رھیں کہ آھستہ آھستہ یہ سارے لوگ ، اس معاشرے کا جز بن جائیں ۔۔۔ اور وہ تفریق جو حالات کے جبر کی وجہ سے ھے اس کا بتدریج خاتمہ ھو سکے۔۔۔۔۔۔۔۔۔۔۔۔ چنانچہ فرمایا۔۔۔۔۔۔۔۔۔۔۔

وَمَن لَّمْ يَسْتَطِعْ مِنكُمْ طَوْلًا أَن يَنكِحَ ٱلْمُحْصَنَـٰتِ ٱلْمُؤْمِنَـٰتِ فَمِن مَّا مَلَكَتْ أَيْمَـٰنُكُم مِّن فَتَيَـٰتِكُمُ ٱلْمُؤْمِنَـٰتِ ۚ وَٱللَّـهُ أَعْلَمُ بِإِيمَـٰنِكُم ۚ بَعْضُكُم مِّنۢ بَعْضٍ ۚ فَٱنكِحُوهُنَّ بِإِذْنِ أَهْلِهِنَّ وَءَاتُوهُنَّ أُجُورَهُنَّ بِٱلْمَعْرُوفِ مُحْصَنَـٰتٍ غَيْرَ مُسَـٰفِحَـٰتٍ وَلَا مُتَّخِذَٰتِ أَخْدَانٍ ۚ فَإِذَآ أُحْصِنَّ فَإِنْ أَتَيْنَ بِفَـٰحِشَةٍ فَعَلَيْهِنَّ نِصْفُ مَا عَلَى ٱلْمُحْصَنَـٰتِ مِنَ ٱلْعَذَابِ ۚ ذَٰلِكَ لِمَنْ خَشِىَ ٱلْعَنَتَ مِنكُمْ ۚ وَأَن تَصْبِرُوا۟ خَيْرٌ لَّكُمْ ۗ وَٱللَّـهُ غَفُورٌ رَّحِيمٌ۔۔۔4/25

اور جو شخص تم میں سے اتنی مقدرت نہ رکھتا ہو کہ خاندانی مسلمان عورتوں (محصنات) سے نکاح کر سکے اسے چاہیے کہ تمہاری اُن لونڈیوں میں سے کسی کے ساتھ نکاح کر لے جو تمہارے قبضہ میں ہوں اور مومنہ ہوں اللہ تمہارے ایمانوں کا حال خوب جانتا ہے، تم سب ایک ہی گروہ کے لوگ ہو، لہٰذا اُن کے سرپرستوں کی اجازت سے اُن کے ساتھ نکاح کر لو اور معروف طریقہ سے اُن کے مہر ادا کر دو، تاکہ وہ حصار نکاح میں محفوظ (محصنات) ہو کر رہیں، آزاد شہوت رانی کرتی پھریں اور نہ چوری چھپے آشنائیاں کریں پھر جب وہ حصار نکاح میں محفوظ ہو جائیں اور اس کے بعد کسی بد چلنی کی مرتکب ہوں تو ان پر اُس سز ا کی بہ نسبت آدھی سزا ہے جو خاندانی عورتوں (محصنات) کے لیے مقرر ہے یہ سہولت تم میں سے اُن لوگوں کے لیے پیدا کی گئی ہے جن کو شادی نہ کرنے سے بند تقویٰ کے ٹوٹ جانے کا اندیشہ ہو لیکن اگر تم صبر کرو تو یہ تمہارے لیے بہتر ہے، اور اللہ بخشنے والا اور رحم فرمانے والا ہے۔۔۔۔۔۔۔۔۔ ترجمہ جناب مودودی صاحب۔۔۔

اس آیت مبارکہ کا بغور مطالعہ کیجیے۔۔۔۔۔۔۔۔۔ بار بار کئجیے۔۔۔۔۔۔۔۔۔۔۔۔۔۔۔۔۔۔ کیا کہہ رھا ھے قرآن۔۔۔۔۔۔۔۔۔۔۔ کہا یہ لونڈیاں ، کوئی انوکھی مخلوق نہیں۔۔۔۔۔۔۔۔۔۔۔ یہ تمھارے گروہ ھی کے انسان ھیں۔۔۔۔۔۔۔۔۔۔ ان سے نکاح کر لو۔۔۔۔۔۔۔۔۔۔۔ اور وہ سارے تقاضے ، جو آزاد مومن عورتوں سے نکاح کرنے کے حوالے سے عائد ھیں ، وہ یہاں بھی لاگو ھوں گے۔۔۔۔۔۔۔۔۔۔۔۔۔۔۔ لیکن ایک استشناء ان لونڈیوں کو دیا گیا۔۔۔۔۔۔۔۔۔۔۔۔۔۔۔ کہا جا رھا ھے کہ ، اگر نکاح میں آ جانے کے بعد یہ لونڈیاں، اپنی سابقہ طرز زندگی کے مطابق، بے راہ روی اختیار کریں۔۔۔۔۔۔۔۔۔ زنا کی مرتکب ھوں۔۔۔۔۔۔۔۔۔۔ تو انھیں سزا ، آزاد مومن عورت کے مقابلے میں آدھی ملے گی۔۔۔۔۔۔۔۔۔۔۔۔۔۔۔ 

آخر کیوں۔۔۔۔۔۔۔۔۔۔۔ نکاح سے پہلے ، یہ ھی عورت بحیثیت ایک لونڈی کے ، اپنے مالک کے ساتھ ، بغیر نکاح کے ھر طرح کے تعلقات قائم کیے ھوئے تھی۔۔۔۔۔۔۔ اس وقت کوئی تعزیر لاگو نہیں کی گئی۔۔۔۔۔۔۔۔۔۔۔۔۔ لیکن جیسے ھی اس نے نکاح کر لیا ۔۔۔۔۔۔۔۔۔۔۔۔ اس کا شمار عام مسلمان عورتوں میں ھو گیا۔۔۔۔۔۔۔۔۔۔۔ اب یہ لونڈی نہ رھی۔۔۔۔۔۔۔۔۔۔۔۔۔ البتہ ، اس کے ماضی کے حالات ، اس کی تربیت ، اس کو مد نظر رکھتے ھوئے۔۔۔۔۔۔۔۔۔۔۔ کسی بھی غلطی کی صورت میں سزا کی حد ، عام مومن عورتوں کے مقابلے میں نصف کر دی گئی۔۔۔۔۔۔۔۔۔۔۔۔۔۔۔۔۔۔۔ کیوں کہ طویل عرصہ کی ایک مخصوص کیفیت ، تربیت میں ان عورتوں کے نزدیک ، اس طرح کی بے راہ روی ، کوئی قابل اعتراض فعل تھا ھی نہیں۔۔۔۔۔۔۔۔۔۔۔۔۔۔۔۔۔۔۔۔۔۔

ذرا تصور کریں۔۔۔۔۔۔۔۔۔ کہ بعد از نکاح ، اس بات کا امکان تھا ، کہ یہ عورتیں اپنی غلط تربیت کی وجہ سے کوتاھی کی مرتکب ھو سکتی ھیں۔۔۔۔۔۔۔ کیا اس ذھنی سطح کی عورت کو ، معاشرے میں ویسے ھی کھلا چھوڑ دیا جاتا۔۔۔۔۔۔۔۔۔۔۔۔۔۔۔۔۔ یہ ممکن ھی نہ تھا۔۔۔۔۔۔۔۔۔۔ چنانچہ اھتمام اس بات کا کیا گیا کہ یہ لونڈیاں  ، اور  غلام ، بتدریج اس معاشرے کا جز بن جائیں۔۔۔۔۔۔۔۔۔۔ اب اگر آئندہ کے لیے اس عمل یعنی غلام اور لونڈیاں ،بنانا ۔۔۔۔۔۔۔۔۔۔۔۔ کو ممنوع نہ کیا جائے تو بتائيں کہ ان ساری ترغیبات کا کیا فائدہ۔۔۔۔۔۔۔۔۔۔۔۔۔۔۔۔ یہ تو دو عملی کہلائے گی۔۔۔۔۔۔۔۔۔۔ کہ ایک طرف تو ان لونڈیوں کو باعزت طریقے سے معاشرے میں ضم کرنے کے اقدامات کیے جائیں ۔۔۔۔۔۔۔۔۔۔۔۔ اور دوسری طرف نئے غلام اور لونڈی بنائے جائیں۔۔۔۔۔۔۔۔۔۔۔۔۔ کیا اس طرح کی نامعقول ، اور سعی لا حاصل کی کسی عام سمجھ دار انسان سے بھی توقع کی جاسکتی ھے ، کجا کہ اللہ رب العزت سے۔۔۔۔۔۔۔۔۔۔۔۔۔۔۔ 

مزید فرمایا۔۔۔۔۔۔۔۔۔۔۔۔۔۔۔۔۔

وَلْيَسْتَعْفِفِ ٱلَّذِينَ لَا يَجِدُونَ نِكَاحًا حَتَّىٰ يُغْنِيَهُمُ ٱللَّـهُ مِن فَضْلِهِۦ ۗ وَٱلَّذِينَ يَبْتَغُونَ ٱلْكِتَـٰبَ مِمَّا مَلَكَتْ أَيْمَـٰنُكُمْ فَكَاتِبُوهُمْ إِنْ عَلِمْتُمْ فِيهِمْ خَيْرًا ۖ وَءَاتُوهُم مِّن مَّالِ ٱللَّـهِ ٱلَّذِىٓ ءَاتَىٰكُمْ ۚ وَلَا تُكْرِهُوا۟ فَتَيَـٰتِكُمْ عَلَى ٱلْبِغَآءِ إِنْ أَرَدْنَ تَحَصُّنًا لِّتَبْتَغُوا۟ عَرَضَ ٱلْحَيَوٰةِ ٱلدُّنْيَا ۚ وَمَن يُكْرِههُّنَّ فَإِنَّ ٱللَّـهَ مِنۢ بَعْدِ إِكْرَٰهِهِنَّ غَفُورٌ رَّحِيمٌ۔۔۔24/33

اور ایسے لوگوں کو پاک دامنی اختیار کرنا چاہئے جو نکاح (کی استطاعت) نہیں پاتے یہاں تک کہ اللہ انہیں اپنے فضل سے غنی فرما دے، اور تمہارے زیردست (غلاموں اور باندیوں) میں سے جو مکاتب (کچھ مال کما کر دینے کی شرط پر آزاد) ہونا چاہیں تو انہیں مکاتب (مذکورہ شرط پر آزاد) کر دو اگر تم ان میں بھلائی جانتے ہو، اور تم (خود بھی) انہیں اللہ کے مال میں سے (آزاد ہونے کے لئے) دے دو جو اس نے تمہیں عطا فرمایا ہے، اور تم اپنی باندیوں کو دنیوی زندگی کا فائدہ حاصل کرنے کے لئے بدکاری پر مجبور نہ کرو جبکہ وہ پاک دامن (یا حفاطتِ نکاح میں) رہنا چاہتی ہیں، اور جو شخص انہیں مجبور کرے گا تو اللہ ان کے مجبور ہو جانے کے بعد (بھی) بڑا بخشنے والا مہربان ہے ۔۔۔۔۔ ترجمہ جناب طاھر القادری صاحب

اب اتنی واضح آیات کریمہ کے ھوتے ھوئے ، کوئی عقل کا اندھا ، گمراھی کی طرف راغب ھو تو سوائے افسوس کے اور کیا بھی کیا جا سکتا ھے۔۔۔۔۔۔۔۔۔۔۔ 

کتنا واضح ھے ۔۔۔۔ ایک طرف اس راستے کو روک دیا گیا کہ آئیندہ کسی جنگی قیدی کو ، لونڈی یا غلام نہیں بنایا جا سکتا ۔۔۔۔ تو دوسری جانب ، ان غلاموں اور لونڈیوں کو معاشرے کا مفید فرد بنانے کے لیے مومنین کو با قائدہ اس بات کا پابند کر دیا گیا کہ اگر یہ لوگ خود آزاد ھونا چاھیں تو انھیں آزاد کر دو۔۔۔۔۔۔ اگر یہ پاک دامن رھنا چاھیں تو انھیں بدکاری پر مجبور نہ کرو۔۔۔ اور اگر معاشرے کا کوئی فرد ان سے نکاح کے لیے تیار ھو تو ان کی مدد کی جائے ۔۔۔۔۔۔۔ اس طرح آھستہ آھستہ ان سب کو اس معاشرے میں جذب کر لیا گیا۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس مقام پر اس آیت مبارکہ کو پیش کرنے کی سعادت حاصل کرنا چاھتا ھوں۔۔۔۔۔۔۔ جو اس سارے معاملے کو واضح کر دیتی ھے۔۔۔۔۔ اور اس سوچ کو ، کہ اسلام میں لونڈیوں کی کوئی گنجائیش ھے ، جڑ سے کاٹ دیتی ھے۔۔۔۔۔۔۔۔۔۔ 

ھم جانتے ھیں ، کہ حالات اور ضروریات کے تحت ، حضور ۖ  نے ایک  سے زیادہ شادیاں کیں۔۔۔۔۔۔۔۔۔۔۔ اس عمل میں جو مصلحتیں پوشیدہ تھیں۔۔۔۔۔۔ ان کے ذکر کا یہ موقعہ نہیں۔۔۔۔۔۔۔۔ صرف اتنا جان لینا کافی ھے ، کہ اگر ان کثرت ازدواج کا مطمع نظر ، محض جنسی تمتع حاصل کرنا ھوتا ، تو اس وقت کون تھا جو حضور ۖ  کے عقد سے انکار کر دیتا۔۔۔  لیکن حضور ۖ  کی ازدواج مطہرات میں صرف ایک ام المومنن ھی کنواری تھیں۔۔۔۔۔۔۔۔۔  باقی سب یا تو بیوہ تھیں یا مطلقہ۔۔۔۔۔۔۔۔۔۔ 

جب مدینہ منورہ میں اسلامی ریاست قائم ھو گئی ، تو حالات کے موافق ھو جانے کے بعد حضور ۖ  کو اس حوالے سے دو طرح کے احکمامات دئیے گئیے۔۔۔۔۔۔۔  چنانچہ فرمایا۔۔۔۔۔۔۔۔۔۔۔۔۔۔

 تُرْجِى مَن تَشَآءُ مِنْهُنَّ وَتُـْٔوِىٓ إِلَيْكَ مَن تَشَآءُ ۖ وَمَنِ ٱبْتَغَيْتَ مِمَّنْ عَزَلْتَ فَلَا جُنَاحَ عَلَيْكَ ۚ ذَٰلِكَ أَدْنَىٰٓ أَن تَقَرَّ أَعْيُنُهُنَّ وَلَا يَحْزَنَّ وَيَرْضَيْنَ بِمَآ ءَاتَيْتَهُنَّ كُلُّهُنَّ ۚ وَٱللَّـهُ يَعْلَمُ مَا فِى قُلُوبِكُمْ ۚ وَكَانَ ٱللَّـهُ عَلِيمًا حَلِيمًا ۵۱ لَّا يَحِلُّ لَكَ ٱلنِّسَآءُ مِنۢ بَعْدُ وَلَآ أَن تَبَدَّلَ بِهِنَّ مِنْ أَزْوَٰجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ ٱللَّـهُ عَلَىٰ كُلِّ شَىْءٍ رَّقِيبًا ۔۔۔۔۔۔33/52

ان میں سے جسے تو چاہے دور رکھ دے اور جسے چاہے اپنے پاس رکھ لے، اور اگر تو نے ان میں سے بھی کسی کو اپنے پاس بلالے جنہیں تو نے الگ کر رکھا تھا تو تجھ پر کوئی گناه نہیں، اس میں اس بات کی زیاده توقع ہے کہ ان عورتوں کی آنکھیں ٹھنڈی رہیں اور وه رنجیده نہ ہوں اور جو کچھ بھی تو انہیں دے دے اس پر سب کی سب راضی رہیں۔ تمہارے دلوں میں جو کچھ ہے اسے اللہ (خوب) جانتا ہے۔ اللہ تعالیٰ بڑا ہی علم اور حلم واﻻ ہے (٥١) اس کے بعد اور عورتیں آپ کے لئے حلال نہیں اور نہ یہ (درست ہے) کہ ان کے بدلے اور عورتوں سے (نکاح کرے) اگر چہ ان کی صورت اچھی بھی لگتی ہو مگر جو تیری مملوکہ ہوں۔ اور اللہ تعالیٰ ہر چیز کا (پورا) نگہبان ہے۔۔۔۔۔۔۔۔۔  ترجمہ جناب محمد جونا گڑھی صاحب

فرمایا کہ اب چونکہ وہ جبر کے حالات نہيں رھے۔۔ اب تم اور تمھاری قوم ایک آزاد ریاست کی مالک ھے۔۔۔ چنانچہ اب اپنے ان ازدواج میں سے اگر کسی کو تم الگ کرنا چاھو ، یا وہ تمھارے ساتھ نہ رھنا چاھیں ، تو ان سے علیحدگی اختیار کر لو۔۔۔۔۔۔۔ لیکن اگر وہ تمھارے ساتھ رھنا چاھیں تو انھیں اپنے ساتھ رکھو۔۔۔۔۔۔۔۔  البتہ آج کے بعد اب تم کسی آزاد عورت سے مزید نکاح نہيں کر سکتے۔۔۔۔۔۔۔۔  خواہ وہ تمھیں کتنی ھی اچھی کیوں نہ لگے۔۔۔ لیکن تمھاری وہ لونڈیاں جو اس وقت تمھارے پاس ھیں اس حکم سے مستشنٰیھیں۔۔۔۔۔۔۔۔۔۔۔  ان میں سے اگر کسی کے ساتھ چاھو تو نکاح کر سکتے ھو۔۔۔۔۔۔۔۔۔۔۔

آیت مذکورہ کے بعد کیا اس بات کی گنجائش باقی رہ جاتی ھے ، کہ آئیندہ کے لیے لونڈیاں جائز ھوں۔۔۔۔۔۔۔۔  عام عورتوں سے نکاح پر پابندی عائد کر دی گئی مگر ان لونڈیوں کو اس سے مستشنٰی قرار دیا گیا۔۔۔۔۔۔۔۔ تاکہ منشاء خداوندی کے مطابق ، یہ لونڈیاں معاشرے کا جز بنتی چلی جائیں۔۔۔۔۔۔۔

یہاں ایک بات ضمنی طور پر پیش کرنے کی اجازت چاھوں گا۔۔۔۔۔۔۔۔۔۔ کہ اللہ کریم نے اس کتاب اللہ کو بتدریج نازل کیا۔۔۔۔۔۔۔۔۔۔ حضور اکرم ۖ کی حیات مبارکہ دو حصوں پر مشتمل ھے۔۔۔۔ ایک نبوت کے بعد کی مکی زندگی ۔۔ جب کوئی اسلامی حکومت معرض وجود میں نہ آ سکی تھی۔۔۔۔۔۔۔۔۔ مومنین قلیل تعداد میں ، اور کمزوری کی حالت میں تھے۔۔۔۔۔۔۔۔۔۔۔ اگر ان سورتوں پر غور فکر کریں جو مکہ کی زندگی میں نازل ھوئیں ۔۔۔۔۔۔۔۔۔۔ تو وھاں ، تعزیری احکامات کا کوئی وجود نہیں۔۔۔۔۔ بلکہ سارا زور مومنین کی ایک ایسی ٹیم تیار کرنے پر تھا ، جو بعد میں ایک آزاد اسلامی مملکت کے قیام کی جدوجہد کریں۔۔۔۔۔۔۔۔۔۔۔۔۔۔۔ اس دور میں معاملات زندگی ، انفرادی طور پر حل کیے گئے۔۔۔۔۔۔۔۔۔۔ لیکن جب مدینتہ منورہ میں ایک اسلامی حکومت قائم ھو گئی تو ھم دیکھیں گے ، اس دور میں نازل ھونے والی سورتوں میں بات تعزیر کی بھی ھے اور تبلیغ کی بھی۔۔۔۔۔۔۔۔۔۔۔۔۔۔۔۔۔۔

اگر غور کریں تو اس میں مومنین کے لیے بہت زیادہ راھنمائی کی بات ھے۔۔۔۔۔۔۔۔۔۔ بتدریج نزول قرآن میں جو رموز پوشیدہ ھیں ، ان میں ایک یہ بھی ھے کہ اگر کہیں اسلامی حکومت نہیں ھے تو ھم دین پر کیسے عمل کریں۔۔۔۔۔۔۔۔ اور جب اسلامی حکومت قائم ھے تو کیسے۔۔۔۔۔۔۔۔ آج بھی دین کا نفاذ بیک جنبش قلم نہیں ھوگا۔۔۔۔۔۔۔۔۔۔۔ بلکہ بلکل وہ ھی لائیحہ عمل اختیار کیا جائے گا جو حضور ۖ کی مکی زندگی میں بتایا گیا۔۔۔۔۔۔۔۔۔۔۔۔۔۔۔۔ آھستہ آھستہ ، بتدریج۔۔۔ آج بھی اگر کہیں ایسی صورتحال ھو ۔۔ اگر معاشرے میں غلام اور لونڈیاں موجود ھوں ، تو بلکل ایسا ھی کیا جائے گا جیسا کہ اوپر قرآن کریم نے فرمایا ھے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

§         اس مقام پر بنی اسرائیل کے اس جرم کی طرف آپ کی توجہ مبذول کروانا ضروری سمجھتا ھوں۔۔۔۔۔۔۔۔۔۔۔۔۔۔۔۔ جو وہ اپنے لوگوں کو غلام بنانے میں معاونت کرتے تھے۔۔۔۔۔۔۔۔ کیا کہتا ھے قرآن ۔۔۔۔۔۔۔۔۔۔۔ فرمایا۔۔

وَإِذْ أَخَذْنَا مِيثَـٰقَكُمْ لَا تَسْفِكُونَ دِمَآءَكُمْ وَلَا تُخْرِجُونَ أَنفُسَكُم مِّن دِيَـٰرِكُمْ ثُمَّ أَقْرَرْتُمْ وَأَنتُمْ تَشْهَدُونَ ﴿٨٤﴾ ثُمَّ أَنتُمْ هَـٰٓؤُلَآءِ تَقْتُلُونَ أَنفُسَكُمْ وَتُخْرِجُونَ فَرِيقًا مِّنكُم مِّن دِيَـٰرِهِمْ تَظَـٰهَرُونَ عَلَيْهِم بِٱلْإِثْمِ وَٱلْعُدْوَٰنِ وَإِن يَأْتُوكُمْ أُسَـٰرَىٰ تُفَـٰدُوهُمْ وَهُوَ مُحَرَّمٌ عَلَيْكُمْ إِخْرَاجُهُمْ ۚ أَفَتُؤْمِنُونَ بِبَعْضِ ٱلْكِتَـٰبِ وَتَكْفُرُونَ بِبَعْضٍ ۚ فَمَا جَزَآءُ مَن يَفْعَلُ ذَٰلِكَ مِنكُمْ إِلَّا خِزْىٌ فِى ٱلْحَيَوٰةِ ٱلدُّنْيَا ۖ وَيَوْمَ ٱلْقِيَـٰمَةِ يُرَدُّونَ إِلَىٰٓ أَشَدِّ ٱلْعَذَابِ ۗ وَمَا ٱللَّـهُ بِغَـٰفِلٍ عَمَّا تَعْمَلُونَ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 2/84

اور جب ہم نے تم سے عہد لیا کہ اپنوں کا خون نہ کرنا اور اپنوں کو اپنی بستیوں سے نہ نکالنا پھر تم نے اس کا اقرار کیا اور تم گواہ ہو- (٨٤) پھر یہ جو تم ہو اپنوں کو قتل کرنے لگے اور اپنے میں سے ایک گروہ کو ان کے وطن سے نکالتے ہو ان پر مدد دیتے ہو (ان کے مخالف کو) گناہ اور زیادتی میں اور اگر وہ قیدی ہو کر تمہارے پاس آئیں تو بدلا دے کر چھڑا لیتے ہو اور ان کا نکالنا تم پر حرام ہے تو کیا خدا کے کچھ حکموں پر ایمان لاتے ہو اور کچھ سے انکار کرتے ہو تو جو تم میں ایسا کرے اس کا بدلہ کیا ہے مگر یہ کہ دنیا میں رسوا ہو اور قیامت میں سخت تر عذاب کی طرف پھیرے جائیں گے اور اللہ تمہارے کوتکوں سے بے خبر نہیں ۔۔۔۔۔۔۔۔۔۔۔۔۔۔۔۔۔۔ ترجمہ جناب احمد رضا بریلوی صاحب

کیا جرم کر رھے تھے یہ بنی اسرائیل۔۔۔۔۔۔۔۔۔۔۔۔۔۔۔۔ کہ پہلے تو اپنے لوگوں کو نکال باھر کرتے تھے۔۔۔۔۔۔۔۔۔۔۔۔ اور پھر جب کوئی غیر قبیلہ ، ان لوگوں کو پکڑ کر قیدی بنا لیا کرتا تھا۔۔۔۔۔۔۔۔۔۔۔۔۔تو پھر ان قیدیوں کو چندہ کر کے چھڑا لیا کرتے تھے۔۔۔۔۔۔۔۔۔۔۔۔۔۔ اور اس طرح بزعم خود ، جنت کما لیتے تھے۔۔۔۔۔۔۔۔۔۔۔۔۔۔

اللہ کریم فرماتے ھیں ، کہ ان لوگوں کو نکالا کس نے تھا۔۔۔۔۔۔۔ وہ حالات کس نے پیدا کیے کہ تمھارے یہ بھائی بند ، دوسروں کی غلامی میں چلے جائیں۔۔۔۔۔۔۔۔ اور پھر تم ان کو چھڑوا کر سمجھتے ھو ، کہ جنت مل جائے گی۔۔۔۔۔۔۔۔۔ ھر گز نہیں۔۔۔۔۔۔۔۔۔۔ تم اللہ کی نازل کی ھوئی کتاب میں سے اپنے مطلب کی باتیں مان لیتے ھو۔۔۔۔۔۔۔۔۔۔ اور جو تمھارے مفاد کی نہیں ھیں ان کے منکر ھو جاتے ھو۔۔۔۔۔۔۔۔۔۔۔۔ یاد رکھو۔۔۔۔ تمھاری اس روش کا نتیجہ یہ ھے کہ تم اس دنیا میں بھی رسوا ھو جاو گے اور آخرت میں عذاب شدید کے حقدار۔۔۔۔۔۔۔۔۔۔۔۔۔۔۔۔۔۔

کیا یہ ھی کچھ ھم نہيں کر رھے؟؟

کیا ھم اس کتاب اللہ کی ان ھی باتوں ، احکامات ، مشوروں کو نہیں قبول کرتے کہ جو ھمارے مفاد اور ھماری خواھشات کے مطابق ھوں۔۔۔۔۔۔۔۔۔۔۔ اور جو کچھ ھماری خواھشات کے مطابق نہیں ۔۔۔۔۔۔۔۔۔ ھم اول تو ان کا ذکر ھی نہیں کرتے۔۔۔۔۔۔۔۔۔۔۔۔۔۔ اور اگر کہیں مجبوراً کرنا پڑ جائے تو ، اپنی مرضی اور خواھش کے معنی دے کر بات کو کچھ سے کچھ کر دیتے ھیں۔۔۔۔۔۔۔۔۔۔۔۔۔اور اس ھی بات کی شکایت نبی ۖ اپنے رب سے کریں گے۔۔۔۔۔۔۔۔۔۔ فرمایا۔۔۔۔۔۔۔

وَقَالَ ٱلرَّسُولُ يَـٰرَبِّ إِنَّ قَوْمِى ٱتَّخَذُوا۟ هَـٰذَا ٱلْقُرْءَانَ مَهْجُورًا ۔۔۔۔۔۔۔۔۔۔25/30

اور رسول کہے گا کہ "اے میرے رب، میری قوم کے لوگوں نے اس قرآن کو نشانہ تضحیک بنا لیا تھا"۔۔۔۔۔۔۔۔۔۔۔۔۔۔۔۔۔ ترجمہ جناب مودودی صاحب

اس مقام پر میں چاھوں گا کہ اس آیت مبارکہ میں استعمال ھونے والے لفظ "مھجور " کی کچھ وضاحت کروں۔۔۔۔۔۔۔۔۔۔۔۔۔۔۔۔۔ 

آپ نے دیکھا ھوگا ، کہ کسی سرکش جانور کو قابو کرنے کے لیے لوگ ایک تدبیر اختیار کرتے ھیں۔۔۔۔۔۔۔۔۔۔۔ کہ رسی کا ایک سرا اس جانور کی گردن میں باندھ دیتے ھیں اور اس کا دوسرا سرا، اس کے پاؤں میں باندھ دیتے ھیں۔۔۔۔۔۔۔۔۔۔۔۔۔۔ اور اس رسی کی لمبائی صرف اتنی رکھی جاتی ھے کہ جانور ایک وقت میں ایک قدم سے زیادہ پاؤں نہ چلا سکے۔۔۔۔۔۔۔۔۔۔۔۔۔۔۔۔ اس طرح وہ جانور اپنے مالک کی منشاء کے مطابق چلے گا۔۔۔۔۔۔۔۔۔۔۔۔ عربی زبان میں اس کیفیت کو " مھجور " کہتے ھیں۔۔۔۔۔۔۔۔۔۔۔۔ نبی ۖ یہ نہیں کہیں گے کہ میری قوم اس قرآن کو نہیں مانتی تھی۔۔۔۔۔۔۔۔۔۔۔۔۔ یا اس پر عمل نہيں کرتی تھی۔۔۔۔۔۔۔۔۔۔۔۔ بلکہ یہ فرمائيں گے کہ ، اس نے اس قرآن کے پاؤں میں رسیاں ڈال رکھی تھیں، بس جتنا ان کا مفاد ھوتا تھا ، اتنا ھی عمل کرتے تھے۔۔۔۔۔۔۔۔۔خود اس کتاب اللہ کے مطابق نہيں چلتے تھے۔۔۔۔۔۔۔۔۔۔۔۔۔ بلکہ اس کتاب کو اپنی مرضی کے مطابق چلاتے تھے۔۔۔۔۔۔۔۔۔۔۔۔۔۔ 

جزاک اللہ